تويك باقة الرويال | Royal

مميزات الباقة :

سيرفر باكج خاص بالباقة ( Royal Server )

نضبط لك المعالج (CPU)

نوزن ترددات التيربو والبوست عشان يظل أداؤه ثابت زي الصخر حتى لو كارفه كرف، وما يهبط فجأة. (تطمن، ما نضر جهازك ولا ننقص من عمره).

نضبط فولتية المعالج (Vcore) بالمللي عشان نخفف الحرارة ونفس الوقت نحافظ على أداء بطل ومستقر (يعني نسوي undervolting، أو نرفع الفولتية شوي لو طلبت ولاتشيل هم حتى لو ماتعرف بنقيس معاك ونشرح لك هل كذا مناسب او لا - الموضوع راجع لك).

نشغل أو نقفل الـ Hyper-Threading أو SMT حسب استخدامك (فيه ألعاب تعطيك أداء أحسن لو قفلناه، وبنسألك عن كل شي قبلها).

نضبط إعدادات الـ AVX Offset أو نشغل/نعدل AVX2/AVX512 عشان ما يرتفع الفولت والحرارة فجأة

الـ P-states و C-states: نعدلها عشان نتحكم بصرفية الطاقة وسرعة استجابة المعالج (مثلاً نقفل بعض الـ C-states عشان جهازك يصير صاروخ وقت اللعب!)

الكور باركنق (Core Parking): هذا نوقفه تماماً عشان كل الأنوية تشتغل بكامل طاقتها وقت الألعاب أو البرامج الثقيلة.

نخصص لك أولوية الأنوية (CPU affinity) لبرامج معينة أو سيرفرات تبيها، عشان تضمن أداء ثابت للعبة اللي في بالك.

شغلنا على الرامات (RAM)

نشغل لك XMP أو DOCP لو راماتك تدعمها. ولو ما تدعم، نرفع التردد يدوي لأعلى شي تتحمله راماتك! ( ولاتشيل هَم مايضر ابدد )

نضبط التواقيت الأساسية (CAS, tRCD, tRP, tRAS) ونشدها لك عشان تاخذ أداء أعلى، وكل هذا بعد اختبارات البنش مارك اللي بنسويها.

نعدل فولتية الرامات (VDIMM و SOC أو VCCIO) حسب نوع معالجك، سواء إنتل أو AMD.

نشغل أو نقفل الـ Memory Remapping إذا احتجنا.

نشيك على الرامات بـ (MemTest86) بعد كل تعديل عشان نتأكد إنها مستقرة ومافيها مشاكل.

الهاردسكات (SSD/HDD)

نتأكد إنك شغال على وضع AHCI أو NVMe حسب نوع الهاردسك عندك، عشان تفتح سرعته الكاملة.

نكبر أو نصغر ملف الـ (pagefile) على حسب سرعة الـ SSD عندك وحجم الرام. شغلنا يدوي، أحسن من الإعدادات الافتراضية بمراحل!

نفصل بارتشن النظام عن ملفاتك وألعابك عشان نقلل التجزئة وما يصير فيه ضغط.

نضبط الـ pagefile ونحطه على أسرع SSD عندك، خصوصاً لو الرام ما تكفي.

نشغل خاصية TRIM للـ SSDs ونضبط إعدادات الأداء من برامجها الخاصة (زي Samsung Magician أو WD Dashboard).

نقدر نشفر لك الهاردسكات شغل احترافي (مثل BitLocker) ونضمن لك ما يأثر على الأداء، شي جبار.

نراقب صحة الهاردسكات أول بأول (بـ SMART و CrystalDiskInfo) ولو فيه أي مشكلة، يجينا تنبيه على طول!

نتأكد إن النظام والألعاب على هاردسك SSD عشان نقلل وقت التحميل ويكون اللعب أخف والريسبون أسرع!

ختار الـ هاردسك SSD NVMe السريع ونخصصه للـ Swap/Cache عشان نسرع البرامج الثقيلة بشكل جبَار , والباقة ماخلصت هنا! باقي أشياء جداً كثير مابنخلص وحنا نكتُب .. فكتبنا لكم الأساسيات .. الباقة هذي , لك وللعُمر.

نجي لكرت الشاشة (GPU)

نحدث لك التعريفات دايمًا، وكل تعريف نعدله تعديل خاص! عشان نضمن الكرت يعطيك أداء خرافي ومستقر، وبدون ما نضره.

نستخدم برامج مثل MSI Afterburner عشان نضبط لك منحنى المراوح (fan curve) ونراقب الحرارة والفريمات أول بأول (نوضح لك: حنا ما نكسر السرعة).

نوزن تردد الكرت والذاكرة (core/memory clocks) ونراقب كل شي (ونسوي undervolt بحذر شديد).

نشغل أو نقفل تقنيات مثل Resizable BAR, G-Sync/FreeSync, أو Hardware-accelerated GPU scheduling على حسب اللي يحتاجه جهازك.

نضبط إعدادات التعريف للبرامج (مثلاً، نخلي وضع الطاقة 'أقصى أداء' أو 'متكيف' حسب الحاجة). كل شغلنا نفصله تفصيل على مواصفات جهازك واحتياجك، بدقة 100%

نختبر الأداء والحرارة تحت ضغط عالي (ببرامج زي FurMark و 3DMark) بعد كل تعديل نسويه، لين نوصل لأفضل نتيجة ممكنة وبدون أي مشاكل.

نخصص إعدادات الجرافيكس والبرامج اللي بالخلفية عشان تتغير أوتوماتيك أول ما تشغل لعبة أو برنامج معين.

شغلنا على البايوس (BIOS/UEFI)

نحدث لك البايوس دايمًا من موقع الشركة الرسمي، ونتابع تواريخ الإصدار. هذا يحل مشاكل كثير ويحسن توافق القطع مع بعض.

نضبط لك الـ SpeedShift (لإنتل) أو الـ PBO (لـ AMD) ونتحكم في مستوياتها صح.

نجهز الـ LLC (Load-Line Calibration) ونعدل الـ Vdroop عشان الفولت ما يترنح وقت الضغط.

نعدل إعدادات الـ PCIe (Gen3/Gen4) لو واجهتنا أي مشاكل في التوافق أو الاستقرار.

نقفل الأجهزة المدمجة باللوحة اللي ما تستخدمها (زي كرت الصوت أو الشبكة المدمج) عشان نخفف الحمل على النظام.

نشغل الـ Secure Boot و TPM 2.0 عشان خصوصيتك وأمان جهازك (هذا شي مهم لبطولات فورتنايت، كود، وفالورانت! لو ما تحتاجه، علمنا).

نضبط إعدادات المراوح والتهوية من البايوس مباشرة، إذا كانت لوحتك تدعم.

نرتب لك قائمة البوت (boot order) عشان نسرع عملية الـ POST وجهازك يشتغل في ثواني.

نحفظ لك الإعدادات المستقرة هذي كـ 'بروفايل' في البايوس، عشان تقدر ترجع لها بأي وقت بسهولة.

إعدادات الويندوز (النظام)

نضبط لك خطة الطاقة (نحطها EY5 Ultimate Performance أو EY5 UnParked Version) ونفصل إعدادات الخمول والسكون وأي شي يحفظ الطاقه عشان مايجي لنظامك خمول ابد مثل (Sleep و Hibernate) ولو كنت تبيها نخليها !

نقفل الخدمات اللي شغالة في الخلفية ومالها داعي (زي Windows Search أو Superfetch/SysMain لو مسببة لك مشاكل) وبطريقة آمنة ما تضر النظام.

نقفل البرامج اللي تشتغل مع بداية تشغيل الجهاز ومالها لزوم (من Task Manager أو Autoruns).

نضبط إعدادات تحديثات الويندوز (زي Delivery Optimization و active hours) عشان ما يجي تحديث فجأة وأنت في نص اللعبة.

ننظف الريجستري بحذر شديد (مو شغل مسح عشوائي) وناخذ نسخة احتياطية قبل ما نلمس أي شي.

نشغل أو نقفل الـ Fast Startup حسب توافق قطع جهازك.

نضبط الإعدادات البصرية (Visual Effects) عشان تاخذ أحسن أداء ممكن.

ندير أولويات المعالج والرام للبرامج المهمة (Process Priority).

نخفف العمليات (Processes) اللي شغالة بشكل قوي، وكل خطوة بعلمك وموافقتك (ما نقفل شي تحتاجه، الخدمة كلها على كيفك).

تعديلات الريجستري والـ Group Policy

نعدل في الريجستري عشان نحسن اتصالك (TCP/IP tuning) وهذا يقلل اللاق (التأخير) في الألعاب والبرامج اللي تحتاج نت ثابت.

نقفل خدمات التجسس والمراقبة (Telemetry) اللي مالها داعي، بس بحذر عشان ما نخرب توافق بعض البرامج.

نضبط الـ Group Policies عشان نقفل التحديثات الإجبارية، ونمنع تثبيت تعريفات من مصادر مجهولة، ونحدد صلاحيات التطبيقات.

نشغل سياسات أمان قوية (زي قفل الحساب وسياسات الباسوورد) لو جهازك على شبكة أو يستخدمه أكثر من شخص.

نقفل الـ V-Sync أو الـ adaptive sync بعد ما نختبر، عشان تاخذ أقل 'انبوت لاق' (input lag).

نعطي أولوية أعلى في النظام للعبة أو البرنامج المهم اللي شغال عليه.

الشبكة والنت (Network)

نوفر لك برامج خاصة بنا لـ تسريع الإنترنت اثناء التصفح او اللعب

نغير الـ DNS عندك لسيرفر أسرع وأقرب لك، عشان نحسن استجابة النت.

نضبط الـ MTU والـ RWIN للراوتر أو للجهاز نفسه عشان نحسن السرعة إذا احتجنا.

نشغل خدمة الـ QoS على الراوتر (إذا يدعم) عشان نعطي الأولوية للألعاب أو برامج الشغل.

نشيك على اتصالك (بـ ping و tracert) ونعطيك تقرير لو فيه أي 'بكت لوس' (فقد حزم).

نفصل شبكة الضيوف (Guest network) عن شبكتك الأساسية عشان نرفع مستوى الأمان.

التبريد والحرارة

نسوي لك منحنى خاص للمراوح (fan curve) بناءً على الحرارة والضغط على الجهاز.

نستخدم برامج تخلينا نراقب الحرارة أول بأول (زي HWInfo).

لو جهازك قديم شوي، ننظف المشتتات ونغير المعجون الحراري بنوع أصلي وجودته عالية.

نحسن مجرى الهوا جوا الكيس: نرتب الأسلاك، ونتأكد من وجود مراوح كافية تدخل وتطلع الهوا.

نسوي undervolt للمعالج أو الكرت عشان نقلل الحرارة، وفي نفس الوقت نحافظ على الفريمات ثابتة.

التعريفات والبرامج

نثبت لك تعريفات الشيبسيت والشبكة والصوت من موقع الشركة الأم الرسمي.

نحدث تعريف كرت الشاشة بانتظام، بس ننسق معك الأوقات اللي تناسبك.

نستخدم البرامج الرسمية تبع القطع: زي Ryzen Master, Intel XTU, وبرامج الكروت و Samsung Magician وغيرها.

إلغاء بعض تعاريف ريزر , ادوبي المسببة للمشاكل وغير الضرورية وفي حال كنت تحتاج هالبرامج تستطيع استخدامها بدون أي مشاكل

النسخ الاحتياطي والاسترجاع

نسوي لك نقطة استعادة نظام (System Restore) قبل ما نبدأ أي تعديلات كبيرة.

نسوي لك نسخة احتياطية سحابية للنظام عن طريق السيرفر

تقدر ترجع للنسخة في أي وقت لاقدر الله احد ضرك أو الجهاز صارت له مشكله من طرفك .. نظامك كامل جاهز تقدر تنزله على اي SSD

ناخذ نسخة احتياطية كاملة (image) للنظام على هاردسك خارجي أو على الكلاود (سحابي الخاص بالسيرفر).

نجهز لك 'يو اس بي' استرداد سريع (USB recovery) لو صار أي خطأ في البايوس أو النظام لا سمح الله.

مراقبة الأداء والملفات

نشغل برامج مراقبة (زي MSI Afterburner و HWInfo) ونسجل 'لوجز' (logs) وأنت تلعب أو ضاغط على الجهاز.

نشيك على الـ Event Viewer عشان نشوف أخطاء النظام والتعريفات (هذا إذا ما كنت حاب تفرمت).

نسوي لك تقارير دورية للحرارة والفولت والفريمات عشان نلاحظ أي شي مو طبيعي.

الأمان والحماية

نركب لك برنامج حماية قوي جداً (برنامج خاص من EY5 Security).

نشغل الحماية ضد الفيروسات والبرامج الخبيثة، ونسوي استثناءات ذكية للألعاب والبرامج اللي تثق فيها.

تضبيط الواجهة وتجربة الاستخدام برامج الحماية بحيث انها تشتغل بالخلفية بدون أي ازعاج ولا استهلاك

ننظف لك قائمة 'ابدأ' وشريط المهام (Taskbar) من البرامج اللي مالها داعي ونفحص الجهاز من أي فايروس

نجهز لك بروفايلات جاهزة (بروفايل للألعاب، واحد للشغل، واحد للبث) عشان تبدل بين الإعدادات بسرعة ( حسب اختيارك لو طلبت )

التوافق والصيانة

نشيك على التوافق بعد أي تحديث بايوس أو تعريف جديد ومهم بشكل مجاني!

نسوي اختبار استقرار (بـ Prime95 أو OCCT) بعد أي كسر سرعة أو تعديل على الفولت بشكل مجاني!

نسوي لك جدول صيانة دوري: ننظف الجهاز، نشيك على التعريفات، نفحص الهاردسكات، ونراقب الحرارة ايضاً بشكل مجاني

أدوات وفحوصات نستخدمها:

للمراقبة: HWInfo, HWiNFO64, MSI Afterburner.

برامجنا : EY5 Cleaner , EY5 Latency , EY5 Device's , EY5 Menu , EY5 Royal Checker

EY5 Reduce Input lag

-

لفحص الاستقرار: Prime95, AIDA64, OCCT.

لفحص الرامات: MemTest86.

لفحص الهاردسكات: CrystalDiskInfo, وبرامج الشركات (زي Samsung Magician).

للتعريفات: موقع الشركة الرسمي للوحة الأم وكرت الشاشة.

لإدارة البرامج والخدمات: Autoruns, Task Manager.

نشغل الـ virtualization و IOMMU للي يحتاجون أنظمة وهمية (VMs) أو PCI passthrough.

وأكثر بكثير

يمكن كذلك تطوير الباقة بـ مبلغ 550 لـ 0 ديلاي أكثر!